သူတို့ခေါ်တော့ဒုက္ခသည်၊ကိုယ့်ကိုယ်ကိုတော့တော်လှန်ရေးသမား။ (၁၁) ကိုညို။

ကျနော့စိတ်ထဲ ဒုက္ခသည်စခန်းကြီးက ဇရပ်နဲ့တူလာသလိုပဲ။ လာချင်သူတွေလာလိုက် ပြန်ချင်သူတွေထွက်သွားလိုက်ပေါ့။ စခန်းကြီးကကျက်သရေမရှိတော့ဖူး။ အခြေခံစစ်ရေးလေ့ကျင့်ခန်းတို့ ကျန်းမာရေးလေ့ကျင့်ခန်းတို့လည်း လုပ်ချင်လုပ် မလုပ်ချင်နေ။ ဒေသစွဲ ပုဂ္ဂိုလ်စွဲတွေနဲ့ အစုအဖွဲ့တွေလည်းကွဲနေတယ်။ ခေါင်းဆောင်မှုလည်းပြိုကွဲနေပြီ။ စခန်းထဲမှာကိုယ့်ဖာသာ နားလည်မှုတွေနဲ့ပဲ နေကြတာ။ မျက်နှာချင်းဆိုင်တွေ့လို့ စကားပြောချင်သူနဲ့တွေ့ရင်ပြောမယ်။ စိတ်မပါရင်မျက်နှာလွှဲနေတယ်။ ကျနော်တို့အများစုကလည်း ခေါင်းဆောင်မှုဆိုတာကို ကိုယ်ဖတ်ဖူးတဲ့စာအုပ်ထဲက ဗိုလ်ချုပ်အောင်ဆန်းဆိုတဲ့ ပေတံနဲ့ပဲတိုင်းနေတာ။ ဗိုလ်ချုပ်ကစံပြပဲ။ ခေါင်းဆောင်ဆိုတာ ဗိုလ်ချုပ်လိုဖြစ်ရမယ်၊ထက်ရမယ်၊ဖြောင့်မတ်ရမယ်။ ဒါနဲ့ပဲစံထိုးတာ။ ဥပမာပြောရရင် ခေါင်းဆောင်ကို ပေတံအရှည်ကြီးနဲ့တိုင်းတယ်။ပေတံရဲ့နာမည်က ဗိုလ်ချုပ်အောင်ဆန်း။ ဗိုလ်ချုပ်စံချိန်ထက် နည်းနည်းလေးရော့တာနဲ့ အမှတ်လျှော့ချလိုက်တယ်။ ဒီလူခေါင်းဆောင်နဲ့မတန်ဖူးပေါ့။ ဟိုတုံးက ခေါင်းဆောင်တွေက ဘယ်ပုံ ဘယ်လိုဆိုတဲ့ ကိုယ်ဖတ်ဖူးတဲ့ ကောင်းပေ့ ညွှတ်ပေ့အရည်အသွေးတွေနဲ့ သွားယှဉ်နေတာ။ စာအုပ်ထဲလည်း အကောင်းတွေပဲဖတ်ရတာကိုး။ အမှတ်ကိုတိုးပြီးပေးဖို့မစဉ်းစားပဲ၊ လျှော့ချဖို့ပဲကြည့်တဲ့ စဉ်းစားပုံစဉ်းစားနည်း။ လူတိုင်းမှာခြွင်းချက်ရှိတယ်ဆိုတဲ့ အရှိတရားကိုလက်ခံဖို့ထက်၊ ခေါင်းဆောင်ဆိုတာ အဲလိုမဟုတ်ရဖူး ဆိုတဲ့အမြင်တွေပေါ့ဗျာ။ ဒါနဲ့ပဲ ကျနော်တို့မှာ ခေါင်းဆောင်ရှာမရတော့ဖူး။ စခန်းမှာ ဒေါက်တာအောင်ကျော်ဦးဆိုတာ ကသဲတပ်ရင်းမှုးနဲ့စကားပြန်လုပ်ပေးတာ၊ သတင်းယူပေးတာ ဆိုတဲ့အဆင့်ပဲ။ ခေါင်းဆောင်မရှိတော့ဖူး။ အဲလိုအီလည်လည်ဖြစ်နေတဲ့နောက် ခေါင်းဆောင်တယောက်ရဖို့အကြောင်းဖန်လာတယ်။ ကျနော်တို့ကိုဦးဆောင်ခေါ်လာတဲ့ဆရာထူးလည်း မိုးရေးကိုထွက်သွားတယ်။ ပြည်တွင်းဆက်သွယ်ရေးလုပ်ကြည့်မယ်လို့တိုးတိုးတိတ်တိတ်ပြောသွားတယ်။ အဲဒီအချိန်က ၁၉၈၉နွေဦးကာလပဲ။နယ်စပ်ကို ဟင်္သာတကသပိတ်ခေါင်းဆောင် လည်းဖြစ်၊ တချိန်က ဦးနုဦးဆောင်တဲ့ ပြည်ချစ်တပ်မှာ မြွေဟောက်တပ်ရဲ့ တပ်မှုးဖြစ်တဲ ဒေါက်တာမန်းမြင့်ဆိုင် ဆိုတဲ့ပုဂ္ဂိုလ်ရောက်လာတယ်လို့သိရတယ်။ ဆရာဦးရွှေထူး မိုးရေးရောက်တော့ ကျနော့ဆီစာတစောင်လှမ်းပို့တယ်။ “ငါတို့အတွက် အသင့်တော်ဆုံးခေါင်းဆောင်တယောက်ကို တွေ့ထားပြီ။ သူနာမည်က ဒေါက်တာမန်းမြင့်ဆိုင်၊ ငါ့အကိုကြီးနဲ့သူငယ်ချင်း(ဦးရွှေမှုး၊မန်းတက္ကသိုလ်၊အင်္ဂလိပ်စာဌာန)၊သူဟာ လက်ရုံးရော နှလုံးပါကောင်းတယ်။ အခု ငါတိုက်တွန်းနေလို့ သူ့ရဲ့ ပြောက်ကျားစစ်ဆင်ရေး အတွေ့အကြုံ လေ့လာရေးစာစဉ်ကို ပြုစုနေတယ်၊ မကြာမီ ငါစခန်းပြန်လာခဲ့မယ်၊ ဒီမှာလုပ်စရာတွေလုပ်နေတယ်” လို့ရေးထားတယ်။ ဒါနဲ့ပဲ ကျနော်လည်းစာကိုအချင်းချင်းဆီလှည့်ပြပြီးခွန်အားပြန်ယူခဲ့တယ်။ ဆရာမန်းမြင့်ဆိုင် ကလည်းစခန်းကို စာလှမ်းရေးတယ်။ စာထဲမှာ ပြည်တွင်းနိုင်ငံရေးအခြေအနေကို ရေးပြပြီး၊ ပြည်သူကစစ်အာဏာရှင်တွေကို ဆော်ချင်နေပြီ။ တို့မှာလက်နက်နဲ့ သင်တန်းလိုတယ်။ ဒါတွေရအောင် ကျိုးစားမယ်ဆိုတဲ့ အဓိပ္ပါယ်တွေပါတယ်။ ဒီလိုနဲ့စခန်းထဲမှာ ကိုယ့်ဖာသာအင်အားတွေပြန်ကျစ်လစ်အောင်လုပ်ကြတယ်။ စိတ်ဓာတ်တွေပြန်တင်းတယ်။ ဒါပေမဲ့ လူတော်တော်များများကစိတ်ဓာတ်ကျနေပြီ။ ညီညွတ်မှုကပြိုကွဲနေပြီ။ တနေ့မှာတော့ စခန်းထဲမှာ အံ့မခန်း၊တကြိမ်တခါမှမရဖူးကြတဲ့ညီညွတ်မှုကိုရလိုက်ကြပါတယ်။ ညီသလားမမေးနဲ့ တယောက်နဲ့တယောက် အရင်ကကြည့်မရသူတွေလည်းလက်တွဲမဖြုတ်သစ္စာတွေထပ်ပြီး ဆွေးနွေးကြ စကားပြောကြနဲ့ပေါ့။ အရမ်းကိုညီညွတ်ခဲ့ကြတယ်။ အံ့မခန်းညီညွတ်ခဲ့ကြတယ်။ ကြောက်စရာကောင်းတဲ့ညီညွတ်ရေး၊ ကျနော်တို့ဒုက္ခသည်စခန်းကလူတွေ တပိုင်းစီ၊တစစီ ပြိုကွဲသွားစေတဲ့ညီညွတ်ရေးပါပဲ။ ကျနော်တို့အားလုံးကောင်းကောင်းကြီးမှတ်မိနေကြတယ်။ အဲဒီနေ့က မတ်လ၂၃ရက် ညနေပိုင်းလေး။ “အမလေး..ဘာဖြစ်ကုန်ပီလဲ…၀င်းကို..ခြေတောက်ကျိုးသွားပြီးလား..အီး..ဟီး..ဟီး” ထုံးစံအတိုင်း မစန်းပွီးရဲ့စူးစူးဝါးဝါးအသံနဲ့အော်ငိုသံကြီးကိုကြောက်စရာ။ထမင်းစားပြီးခါစ ဇိမ်နဲ့နှပ်နေကြတုံး..စခန်းကနေအားလုံးပြေးထွက်ကြည့်တယ်။ ဂိတ်အ၀င်ဝကနေ ကလေးမြို့က “၀င်းကို” နဲ့ “အောင်ဆန်းလင်း” ကို ကလေးသားတွေပုခုန်းကနေ တဘက်တချင်စီတွဲခေါ်လာကြတယ်။ ထော့နင်းထော့နင်းနဲ့ လမ်းမလျှောက်နိုင်ကြဖူး။ သူတို့ခြေဖ၀ါးတွေကို ရိုက်ခံထားရတာ။ အဖြစ်စုံရှင်းပြလို့သိရတာက အောင်ဆန်းလင်းတို့ အင်ဖားမြို့အထိသွားလည်တယ်။ ပြန်လာတော့ရဲကမိတယ်။ ရိုက်နှက်ဒါဏ်ပေး ခံရတယ်။ လမ်းမလျှောက်နိုင်ဖူး။ ကိုယ့်လူတွေကို အဲလိုရိုက်နှက်ခံရတာမြင်တော့လည်း ဘယ်သူမှမခံနိုင်ဖူး။ အဲလောက်ရိုက်စရာမလိုဖူးပေါ့။ ဒါနဲ့ပဲ ဆူညံဆူညံတွေ ဖြစ်လာတယ်။ ကသဲစစ်သားတွေကလည်းအကဲခတ်နေတယ်။ စူးစမ်းနေတယ်။ ကျနော်တို့အားလုံး ဘားတိုက်ထဲပြန်ဝင်တယ်။ အစည်းအဝေးချက်ချင်းလုပ်တယ်။ အားလုံးက ဒီအခြေအနေကိုသဘောမကျဖူး။ အဆိုတင်သွင်းကြတာကတော့..ဒီမှာမနေဖူး။ တခြားစခန်းတခုရွှေ့ပေးပါ။ ဒီမှာသုံ့ပန်းတွေနဲ့တူတယ်။ စစ်တပ်ထဲမှာသတင်းအဆက်အသွယ်ဖြတ်ခံထားရတယ်။ အိန္ဒိယအစိုးရသိအောင်လုပ်ရမယ်။ သူတို့မတရား ဖိနှိပ်တာမခံတော့ဖူး။ ဒီနေရာမှာ အားလုံးရဲ့ခံစားချက်တွေ ပေါက်ကွဲပြီး ညီညွတ်သွားကြတာပဲ။ တုန်လှုတ်စရာကောင်းတဲ့ညီညွတ်မှု။ ညတွင်းချင်း စခန်းကထွက်မယ်၊ တညတောင်မနေတော့ဖူး။ အစာငတ်ခံဆန္ဒပြမယ်။ အပြင်ကို စည်းကမ်းတကျ တန်းစီထွက်မယ်။ ဂန္ဓီကြီးလမ်းစဉ်အတိုင်း ဘာမှမတုန့်ပြန်နဲ့၊ ရိုက်ရင်လည်းခံမယ်။ အရေးကြီးရင် သွေးနီးတယ် ဆိုတဲ့အတိုင်း ကသဲစစ်ဗိုလ်ကြောင်ပါးနဲ့ အတူနေတဲ့မအိကလည်း “ကျမယောင်္ကျားကိုလည်း ပြတ်နိုင်တယ်၊ ကျမတော်လှန်ရေးအတွက်ထွက်လာတာ၊ ကျမနိုင်ငံအတွက်ပဲကျမစွန့်ရဲတယ်၊ ကျမမှားခဲ့တာတွေခွင့်လွှတ်ပါ” လို့တိုင်တည်တယ်။အားလုံးကသြဘာပေးကြတယ်။ စခန်းကလူတွေအားလုံး ကိုယ့်အထုတ်ကိုယ်ဆွဲပြီးတန်းစီထွက်တယ်။ အရဲစွန့်ပြီးသာထွက်လာတာ၊ သူတို့သေချာပေါက်တားမယ်ဆိုတာတွက်ပြီးသား။ ဆန်၊ဆီ၊ကြက်သွန် ရိက္ခာခြောက်တွေရော၊ ဆေးဝါးတွေရောပါတယ်။ အစောင့်ကသဲစစ်သားတွေပျာသွားတယ်။ ဘယ်သွားကြမှာလည်းမေးတယ်၊ ဘာမှမဖြေဖူး၊ဒီမှာမနေဖူး ပဲဖြေတယ်။ ၀ီစီမှုတ်သံတွေဆူညံသွားတယ်။ အောက်ကကသဲစစ်သားတွေပြေးတက်လာတယ်။ သေနပ်ဖောက်သံကြားရတယ်။ စစ်သားတချို့သေနပ်နဲ့၊ တချို့က တုတ်တွေနဲ့။ ကျနော်တို့ရဲဘော်တွေ တချို့တ၀က်က ဂိတ်အပြင်ရောက်နေပြီ။တပ်ရင်းမှုးရောက်လာတယ်။ အားလုံးကိုပြန်ဝင်ခိုင်းတယ်။ ဘယ်သူမှမ၀င်ကြဖူး။နေရာမှာတင်ထိုင်ချလိုက်တယ်။ တပ်ရင်းမှုးကတခုခုအမိန့်ပေးလိုက်ဟန်တူတယ်၊ စစ်သားနှစ်ယောက်ကတယောက်ပြီးတယောက်ကို လက်ကောက်ဝတ်တဖက်ဆီကနေကိုင်ပြီးဒရွတ်တိုက်ဆွဲပြီးစခန်းဝင်းထဲပစ်ထည့်တယ်။ ရှေ့ဆုံးက ဘုန်းကြီးဦးအာလောက၊ ကိုအဲကြီး ဘယ်သူမှလက်တုန့်မပြန်ဖူး။သူတို့ဒရွတ်တိုက်ဆွဲတဲ့နောက်ပါသွားတာပဲ။ ကိုယ့်အလှည့်လည်းဒီအတိုင်းပဲဒရွတ်တိုက်ကြီး။ အဲ..တင်ပါးတော့ကျိန်းတယ်။မြေကြီးကကျောက်ခဲအကြေအမွ၊အဖုအထစ်တွေနဲ့မို့ တင်းပါးတွေပွန်းပဲ့ကုန်တယ်။ ဒါနဲ့ ကျနော်တို့အားလုံး နိုင်ငံတော်သီချင်းဆိုတယ်၊ သွေးမော်ကွန်းသီချင်းဆိုကြတယ်။ အားလုံးမျက်ရည်တွေကျတယ်၊ တချို့ရှိုက်ကြီးတငင်၊ တချို့ကြိတ်ငိုနေတယ်။ ကျနော်လည်းမျက်ရည်တလိမ့်တလိမ့်နဲ့။ ကိုယ့်တိုင်းပြည်ကိုချစ်လွန်းလို့ ဒုက္ခခံပြီး၊ အသက်စွန့်ချင်စွန့်ရပစေဆိုပြီး ဒီနိုင်ငံလာကြတာ၊ ငါတို့ကိုဒီလို လုပ်ရက်တယ်ဆိုပြီး သိတ်ကြေကွဲကြတယ်။ သိတ်ကိုစိတ်နာကြတယ်။ ကျောင်းသားသမဂ္ဂသီချင်းတွေ၊ဇာတိမာန်တက်ကြွတဲ့သီချင်းတွေဆိုကြတယ်။ “ငါတို့ရဲ့ ဦးခေါင်းများသည် သွေးချင်းချင်းနီပြီ သို့သော်ညွှတ်ကားမညွှတ်ပါသည် ဆိုတဲ့ ကျောင်းသားတပ်ဦး သီချင်းဆိုတာ တခါမှအဲလောက် ခံစားချက်မပါဘူးဖူး၊သိတ်ညီတယ်၊သိတ်မာန်ပါတယ်။ သံဆူးကြိုးအပြင်ကရော၊ ၀င်းထဲမှာရော ကသဲစစ်သားတွေ ကျနော်တို့ကို ၀ိုင်းထားတယ်။ တချို့လည်းဂရုဏာသက်တဲ့မျက်လုံးတွေနဲ့ကြည့်နေတယ်။ ကျနော်တို့အားလုံးမျက်ရည်ကျတော့လည်းသူတို့စိတ်ကောင်းကြမယ်မထင်ဖူး။ ကသဲတပ်ရင်းမှုးက ဒေါက်တာအောင်ကျော်ဦးကိုသူ့အိမ်ဘက်ခေါ်သွားတယ်။ တပ်ရင်းမှုးအိမ်ကလည်း စခန်းနဲ့တခေါ်လောက်ပဲဝေးတာ။ ခဏနေ ပြန်လာတယ်။ အားလုံးအထဲပြန်ဝင်ဖို့ တပ်ရင်းမှုးကပြောတယ်။ ကျနော်တို့ကမ၀င်နိုင်ဖူးလို့တုန့်ပြန်တယ်။ “ဒီနေရာဟာ အိန္ဒိယပိုင်ဖြစ်တယ်၊ စစ်တပ်စခန်းဖြစ်တယ်။ ဘယ်နိုင်ငံခြားသားမှ ဒီမှာဆန္ဒပြခွင့်မရှိဖူး”လို့ပြောတယ်။ ကျနော်တို့ကအပြင်မှာပဲနေမယ်၊ ဒီစခန်းမှာမနေတော့ဖူး၊ စခန်းရွှေ့ပေးပါ၊ တခြားစခန်းတခုကိုသွားချင်တယ်လို့ ပြောတယ်။ သူက မဖြစ်နိုင်ကြောင်းပြောတယ်။ အဲဒီမှာတင်တင်းနေတယ်။ ဒါနဲ့ မိုးချုပ်သွားပြီ။ အပြင်မှာပဲစုပြုံပြီးညအိပ်ဖို့ပြင်ကြတယ်။ ကျနော်တို့ဝိုင်းဖွဲ့ထိုင်နေတာက ဘော်လီဘောကွင်းမှာ၊ ပတ်ပတ်လည်မှာ ကသဲစစ်သားတွေဝိုင်းထားတယ်။ညတွင်းချင်း ကပ်ထူစာရွက်တွေမှာစာတွေရေးကြတယ်။ ပိုစတာတွေကိုင်ပြီးဆန္ဒပြတယ်။ “ငါတို့တော်လှန်ရေးသမားတွေ၊ဒုက္ခသည်မဟုတ်ဖူး” တို့“ငါတို့ဟာ အကျဉ်းသားတွေမှုတ်ဖူး” တို့၊ “ဒီစခန်းဟာ ချွေးတပ်စခန်းနဲ့တူတယ်” တို့ရေးထားတယ်။ ဒီလိုနဲ့ ညကတဖြေးတဖြေးနက်လာတယ်။နွေရာသီဆိုပေမဲ့ တောင်ပေါ်ဆိုတော့လေတိုက်ပြီးအေးတယ်။ ကိုယ့်မှာရှိတဲ့ စောင်တွေခြုံတယ်။ လေကွယ်အောင်သွပ်ပြားတွေကာတယ်။ အရေးကြီးတာက အခုလိုဖြစ်နေတဲ့ကိစ္စ မိုးရေးက ဆရာမန်းတို့၊ဆရာထူးတို့ဆီ အမြန်ဆုံးအကြောင်းကြားဖို့ပဲ။ နောက်ဆုံး စခန်းအပြင်ခိုး ထွက်လေ့ရှိသလို၊နယ်မြေလည်းကျွမ်းကျင်တဲ့ ထိန်လင်း(ပန်းချီထိန်လင်း) နဲ့ အီးရှက်(မန္တလေး)တို့နှစ်ယောက်ကို ဆက်သွယ်ရေးတာဝန်ပေးလိုက်တယ်။ ပျောက်ကြားတပ်ဖွဲ့တွေ ဘယ်လောက်ကျွမ်းလည်းဆိုရင်၊ စစ်သားတွေကင်းစောင့်နေတဲ့ကြားက နှစ်ယောက်လစ်သွားတာမသိလိုက်ဖူး။ ဗမာကျောင်းသားတွေရဲ့ပရိယာယ်ကိုခံလိုက်ရတာ။အပေါ့သွားမယ်ဆိုပြီး ၂ယောက်တတွဲ၊သုံးယောက်တတွဲ၊တယောက်တလှည့် ၀င်လိုက်ထွက်လိုက်နဲ့ ရူတ်ယှက်ခတ်သွားအောင်လုပ်တော့ အစောင့်လည်းလူမရေတွက်နိုင်ပဲ မျက်စေ့လည်သွားတာ။ ခြေမြန်တော်ပျောက်ကြားနှစ်ယောက်ကလည်း ဘယ်လောက်ထိမြန်လည်းဆိုမတ်လ၂၄ရက်မနက်ကိုမိုးရေးရောက်သွားပြီး အဲဒီညမှာချက်ချင်းစခန်းပြန်ရောက်လာတယ်။ ဒါပေမဲ့သူတို့မိုးရေးမြို့ကခေါင်းဆောင်တွေကိုသတင်းပို့တဲ့ ၂၄ရက်နေ့မှာပဲ ဒီမှာပြဿနာတက်နေပြီ။ မတ်လ၂၄ရက်တနေ့လုံး ကျနော်တို့ညှိလို့အဆင်မပြေဖူး။ သူတို့ပြောတာက ဒီမှာအေးအေးဆေးဆေးနေ၊ ရိက္ခာတွေ ဘာတွေပြန်တိုးပေးမယ်၊ အဆင်ပြေအောင်ထားမယ်။ ဒါပေမဲ့ ကျနော်တို့အားလုံးက စိတ်ပိုင်းဖြတ်ပြီးသွားပြီ။စခန်းမှာမနေချင်ဖူး။ အဲဒီတော့ နောက်ဆုံးအကြိမ် ဒေါက်တာအောင်ကျော်ဦးနဲ့ တပ်ရင်းမှုးညှိပြီးတဲ့နောက် သူတို့ဘက်က၂ခုထဲကတခုပဲဆုံးဖြတ်ဆိုပြီး ခုလိုပြောတယ်။ ကျနော်တို့တောင်းဆိုတဲ့ နောက်ထပ်စခန်းတခုဆိုတာ မဖြစ်နိုင်ဖူး။ (၁) ဒီမှာဆက်နေချင်နေ၊(၂) ဒီမှာမနေချင်ရင် နယ်စပ်ပြန်ပို့မယ် တဲ့။ ကျနော်တို့သေချာစဉ်းစားကြတယ်။ ဒီမှာတော့မနေဖူး။ မိုးရေးပဲသွားမယ်။ မိုးရေး(နယ်စပ်မြို့)ကိုလိုက်ပို့ခိုင်းတယ်။ သူတို့ကသဘောတူတယ်။ ကျနော်တို့အားလုံးနည်းနည်းတက်ကြွလာတယ်။ မိုးရေးရောက်ရင် ခေါင်းဆောင်တွေနဲ့တွေ့ပြီး အဖြေတခုခုရမယ်ထင်နေတယ်။ ကျနော်တို့အားလုံးကို သုံးသုတ်ခွဲလိုက်တယ်။ တသုတ်မှာ လူ (၇၀)လောက်ပေါ့၊ ဒေါက်တာအောင်ကျော်ဦးက “ကိုညိုခင်ဗျားက မှတ်တမ်းရေးမှာဆိုတော့ ပထမအသုတ်နဲ့လိုက်သွားပေါ့” တဲ့။ ပထမအသုတ်ထဲမှာ အမျိုးသမီးသုံးယောက် နဲ့လူမမာတွေ၊ ကိုမြင့်ဆန်း နဲ့ ကိုနေလင်း(အခသ)တို့လည်းပါတယ်။ ပြောရရင် အကြမ်းအတမ်းသမားတွေမှုတ်ဖူး၊မျက်မှန်သမားတွေ၊ချာတိတ်တွေ၊မိန်းခလေးတွေနဲ့လူမမာတွေပဲ။ မိန်းခလေးဆိုလို့ပြောဖို့မေ့နေတယ်။ ကျနော်တို့အဖွဲ့မိန်းခလေး၃ယောက်ထဲကတယောက်က “နီနီသိန်း”တဲ့။ သူ့ကိုကသဲလုံခြုံရေးအဖွဲ့တွေက စခန်းကိုလာပို့တာ။ ရန်ကုန်ကလို့ပြောတယ်၊သူ့အဖေကရဲမှုးလို့ပြောတယ်။ အရေးအခင်းမှာပါတယ်၊ထောင်ကျတယ်လည်းပြောတယ်။ဒါပေမဲ့ သူ့အကြောင်းလည်းသူကရေရေလည်လည်မပြောနိုင်ဖူး။ကြောင်တောင်တောင်နဲ့။ ဥပဓိကသန့်တယ်။အတန်းပညာတော်တော်လေးရှိခဲ့ပုံရတယ်။အင်္ဂလိပ်လိုပြောနိုင်တယ်။ အသားဖြူဖြူ၊အရပ်မြင့်မြင့်ပဲ၊သူ့ကိုစိတ်မူမမှန်ဖူးလို့အားလုံးကသိထားကြတယ်။စကားပြောရင် ကဘောက်ချိ ကဘောက်ချာ၊အူကြောင်ကြောင်နဲ့။ သနားစရာကောင်းပါတယ်။ အဲဒီနေ့က မတ်လ ၂၄ရက်နေ့။မှတ်မှတ်ရရ ကုလားသင်္ကြန်ကျနေတယ်။ တောင်ကုန်းအောက်ကကသဲစစ်သားတွေရဲ့အိမ်ထောင်သည်တန်းလျှားဘက်ကနေ မြူးမြူးကြွကြွ ကသဲဗုံသံတွေကြားနေရတယ်။ အစီအစဉ်အရ ကျနော်တို့ကိုပို့ပြီးရင် နောက်တဖွဲ့ကို ပို့မှာဖြစ်တယ်။ တကယ်လို့အဆင်ပြေရင်ကားကိုဖုံးကာထားတဲ့တာရပတ်ပေါ်မှာအင်္ဂလိပ်လို ယက်စ်(Y)ကိုရေး၊မပြေလည်ရင် နိုး(N)ကိုရေးဘို့မှာထားတယ်။ အင်္ဂလိပ်လို ရေးထားတဲ့ စာရွက်ပိုင်းတွေလည်းဝေထားတယ်။ စာထဲမှာ“ကျနော်တို့ မြန်မာကျောင်းသားတွေဖြစ်တယ်၊ ကျနော်တို့ကို အမှတ်(၈)ရိုင်ဖယ်တပ်က နယ်စပ်ကို အတင်းပြန်ပို့နေတယ်။ နီးရာသတင်းဌာနကို အကြောင်းကြားပေးပါ” ဆိုတာတွေရေးထားတယ်။ ထရပ်ကား၂စီးရောက်လာတယ်။ ကျနော်တို့ပထမအသုတ်က ကားပေါ်တက်ကြတယ်။ ကျနော်တို့ ရှေ့ဆက်ဘာဖြစ်မယ်ဆိုတာတွေးကြည့်ရသလောက် သိတ်ကောင်းမယ်တော့မထင်ဖူး။ ဒါပေမဲ့ဖြစ်သမျှအကြောင်းအကောင်းပဲလို့တွေးပြီးစိတ်ကိုပြင်ဆင်ထားတယ်။ တော်လှန်ရေးဆိုတာ ချောမွေ့တဲ့ဘ၀မှ မဟုတ်တာ။ ဗိုလ်ချုပ်တို့လည်း ဒီလိုပဲ ဘ၀စွန့်ပြီးလုပ်ခဲ့ကြတာပဲ လို့ဖြေတွေးမိတယ်။ အဲဒီအချိန်က ကျနော့်စိတ်ထဲမှာ တခုတော့ပိုင်းဖြတ်ထားတယ်။ ငါဗမာပြည်မပြန်သေးဖူး၊ဒီမှာဘာတခုမှမလုပ်ရသေးပဲ မပြန်ဖူး။ ဘာမှဖြစ်မလာပဲ အိမ်ပြန်ရမှာ ရှက်စရာကြီး။ တခုခုတော့ဖြစ်အောင်လုပ်ရမယ် ဆိုတဲ့အသိကရှိနေတယ်။ ရှေ့မှာ ဘာဖြစ်မယ်မှန်းလဲမသိပဲ စမ်းတ၀ါးဝါးအနာဂတ်ကြီးကို ဘုမသိဘမသိလျှောက်ဖို့ ကြိုတင်စိတ်ပိုင်းဖြတ်ထားတာ ငါဟာရူးသွပ်တာပဲလို့ အဲဒီတုံးကမတွေးမိဖူး။ တကယ်လည်းဘာမှမရေရာ မသေချာတဲ့အနာဂတ်။ ပိုဆိုးတာက အန္တရယ်တောင်ရှိသေးတယ်။ ဒါပေမဲ့ အဲဒီတုံးကကျနော်တို့လူငယ်တွေဟာ အာဏာသိမ်းစစ်အစိုးရကို နိုင်ကိုနိုင်ရမယ်ဆိုတဲ့ စိတ်ကကြီးစိုးနေတယ်။ နိုင်မယ်လို့လည်းထင်နေတယ်။ တော်လှန်ရေးနဲ့တူတာကိုပီပီပြင်ပြင်လုပ်ချင်ကြတယ်။ ဘာမှမဖြစ်ပဲ၊ ဘာမှပြန်မချနိုင်ပဲ ဒါမှမဟုတ် ရှုံးနိမ့်ပြီး၊ အညံ့ခံပြီး နောက်ကြောင်းပြန်လှည့်ရမှာကို သိတ်ရှက်နေကြတယ်။ ရန်သူ့ဆီမှာ အညံ့ခံပြီးပြန်မ၀င်ချင်ဖူး။ စခန်းမှာတောင် သူများတွေ နောက်ကြောင်းပြန်တဲ့ အချိန်တိုင်း ကျနော်တို့ ကိုယ့်ဖာသာအားပေးပြီး ပြောလေ့ရှိတဲ့စကားလေးမှတ်မိသေးတယ်။ “ခွတ်ဒေါင်းမှာ ဘက်ဂီယာ မရှိဘူးဟေ့”။ ကိုညို။ ၈ဖေဖ၀ါရီ၂၀၁၃။