သူတို့ကခေါ်တော့ဒုက္ခသည်၊ကိုယ့်ကိုယ်ကိုတော့တော်လှန်ရေးသမား။(၃)

တလောတုံးကအကျဉ်းသားဟောင်း ဦးခင်ညွန့်..(စစ်ထောက်လှမ်းရေးအကြီးအကဲဟောင်းဗိုလ်ချုပ်ခင်ညွန့်)ကမီဒီယာတခုမှာအမျိုးသားနိုင်ငံရေးပြန်လုပ်မယ်လို့အသံပြုလိုက်တာနဲ့. .မြန်မာ့နိုင်ငံရေးလောကကြားမှာကြွက်စီကြွက်စီဖြစ်ကုန်တယ်။ဒီလူစားတွေပြောတဲ့အမျိုးသားနိုင်ငံရေးဆိုတာ.. လူလူခြင်းကျွန်ပြုတဲ့နိုင်ငံရေး၊ပြည်သူတွေမျက်စေ့ပိတ်နားပိတ်၊ပါးစပ်ပိတ်ပြီးအမြင်ကျဉ်းအောင်ဘောင်ခတ်ထားတဲ့နိုင်ငံရေး၊ သူတို့တလျောက်လုံးကြွေးကြော်လာတဲ့အမျိုးသားနိုင်ငံရေးဆိုတဲ့ပြည်သူကိုမျက်မှန်စိမ်းတပ်ပေးပြီးလမ်းလွဲလျှောက်ခိုင်းတဲ့အယူအဆကို. .လူထုကရာစုနှစ်တ၀က်လောက်ခံရပြီးလို့သဘောပေါက်သွားပြီလေ။ဘယ်ရတော့မလဲ. .ဒီလိုလူစားတွေနိုင်ငံရေးလောကထဲလာမယ်ဆိုလည်းလူထုကနေရာမပေးတော့ဖူး။ဘယ်နှယ့်ဗျာ.. ၁၉၈၈အာဏာရှင်ဦးနေ၀င်းရဲ့စနစ်ဆိုးကြီး..ရှင်သန်ကြီးထွားဖို့ထမ်းပိုးကျေးဇူးပြုခဲ့သူ၊ ၁၉၈၈ဒီမိုကရေစီအုံကြွမှုကိုရော၊နောက်ပိုင်းနိုင်ငံရေးလှုပ်ရှားသူတွေကိုရော..စနစ်တကျထောင်ထဲသွင်းအမဲဖျက်လာခဲ့တာဘယ်မေ့လိမ့်မလဲ။ သပိတ်ကာလကတန်ပြန်သပိတ်တွေလုပ်ပြီး၊ပြည်သူတွေအကြား၊အကြမ်းဖက်မှုတွေ၊လူသတ်မှုတွေပေါ်အောင်မြှောက်ထိုးပင့်ကော်တွေလုပ်ပြီးမှ တိုင်းပြည်မင်းမဲ့စရိုက်ဖြစ်ပြီးဂျောက်ကမ္ဘားထဲကျလုဆဲဆဲမို့နိုင်ငံတော်ကိုကယ်တင်လိုက်ပါတယ်လို့တပ်မတော်အာဏာသိမ်းခဲ့တာ။ ..ဒီဖြစ်ရပ်နောက်ကနေကြိုးကိုင်လှုပ်ရှားခဲ့သူတွေထဲကတယောက်ကစစ်ထောက်လှမ်းရေးခေါင်းဆောင်ဦးခင်ညွန့်ပေါ့…။့ ဦးနေ၀င်းကသူ့ရဲ့မဆလပါတီကိုရော..စစ်တပ်အာဏာကိုရော.. စစ်ထောက်လှမ်းရေးနဲ့ထိမ်းချုပ်ထားတယ်ဆိုတာအဲဒီတုန်းကနိုင်ငံရေးသမားတွေသိထားကြတယ်။ တကယ်တမ်းဆို….မခံချင်စိတ်တွေပြင်းထန်လာလို့သာကျနော်တို့ထကြွချင်စိတ်ပေါ်လာတာ၊ ကျနော်တို့ကြီးပြင်းလာတဲ့ခေတ်တလျှောက်လုံးကလည်းနိုင်ငံရေးဆိုတာဘာမှန်းရေရေရာရာမသိတဲ့အမှောင်ခေတ်ကြီးလို့ပြောရမှာဘဲ။ လက်သဲဆိတ်လို့လက်ထိတ်နာခဲ့ပြီးစလာခဲ့ရာက တဘ၀လုံးနာနေတာမှန်းနောက်မှသိလာခဲ့တာဖြစ်တယ်။ အဆိုးဆုံးကကျောင်းသားတွေကိုရန်သူလိုသဘောထားပြီးချေမှုန်းတာပဲ။ ကျနော်တို့မြို့ကအကြောင်းဆက်ပြောချင်သေးတယ်။ သပိတ်တိုက်ပွဲတွေစပြီဆိုတော့၊စာသင်ကျောင်းတွေ၊တက္ကသိုလ်တွေ၊ဘုန်းကြီးကျောင်းတွေက သပိတ်စခန်းတွေဖြစ်ကုန်တယ်။ ကျနော်တို့လည်း မြို့ထဲကမူလတန်းကျောင်းလေးကိုကျောင်းသားသမဂ္ဂသပိတ်စခန်းဖွင့်လိုက်တယ်။ အလယ်တန်းကစပြီးအထက်တန်းကျောင်းသားအထိတက္ကသိုလ်ကျောင်းသားတွေအဆုံး ကျောင်းသားသမဂ္ဂအဖွဲထဲဝင်ပြီးကျောင်းသားသပိတ်ထဲပါလာတယ်။မြို့ပေါ်ကစာပေသမား၊ ပန်းချီဆရာ၊ကာတွန်းဆရာတွေ နဲ့ပေါင်းပြီးခွတ်ဒေါင်းသတင်းစာထုတ်တယ်။မြို့နယ်အထွေထွေသပိတ်တပ်နဲ့ပူးပေါင်းပြီး လူထုစည်းရုံးရေးနဲ့တရားဟောပွဲတွေ၊ ဆန္ဒပြပွဲတွေ၊အစာငတ်ခံဆန္ဒပြတိုက်ပွဲတွေလုပ်ခဲ့ကြတယ်။ ရန်ကုန်၊မန္တလေးကနိုင်ငံရေးအခြေအနေတွေကိုမန္တလေးမှာလှုပ်ရှားနေတဲ့ဆရာဦးရွှေထူးကစာရေးသတင်းပို့နေတယ်။ ရာသီနဲ့အညီပြောင်းလာတဲ့ကြွေးကြော်သံတွေကိုဆရာထူးကပို့ပေးတယ်။ ဥပမာ“ကြားဖြတ်အစိုးရအမြန်ဖွဲ့စည်းကြ” ဘာညာပေါ့။သမဂ္ဂတွေလည်းအလျိုလျိုပေါ်လာတယ်။ လမ်းပေါ်ထွက်ဆန္ဒပြမှုတွေက၊နေ့တိုင်းလုပ်ရင်သပိတ်အီသလို၊ စားရေးဝတ်ရေးကိစ္စတွေလည်းလုံးပမ်းနေရတော့၊တရက်ကိုရပ်ကွက်အကြီးအသေးအလိုက်အလှည့်နဲ့လမ်းပေါ်ထွက်ဆန္ဒပြကြတယ်။ ဒီနည်းကလူမပင်ပမ်းသလို၊ပြည်သူတွေ အလုပ်သိတ်မပျက်ဖူး။ ကျနော်တို့မြို့မှာသပိတ်ကအကြမ်းဖက်မှုမရှိဘူး။မဆလပြုတ်တွေပေါင်းပြီးတန်ပြန်သပိတ်တွေလုပ်ကြသေးတယ်။ြ မို့ထဲတော့မလုပ်ရဲဘူး၊မြိဲ့နဲ့တမိုင်လောက်ဝေးတဲ့ စစ်တပ်ဘော်လုံးကွင်းမှာလုပ်ကြတာ။ပြီးတော့ခတ်ကုပ်ကုပ်လေးဘဲလူထုကြားထဲပျောက်သွားတာပါ။ အဲ..နည်းနည်းပြောစရာရှိတာက.. အစိုးရယန္တရားကြီးပျက်ပြီးဝန်ထမ်းတွေလည်းသပိတ်မှောက်၊အလုပ်မဆင်းတော့တပြည်လုံးကအကျဉ်းထောင်တွေမှာပြဿနာတက်ကုန်တယ်။ စားစရာမရှိတော့ဘူး။တာဝန်ယူမဲ့သူတွေလည်းမရှိဘူး။အဲဒီတော့ထောင်ခါလိုက် တယ်။တချို့လွတ်လာတဲ့လားရှိုးထောင်နဲ့တခြားမြို့တွေကအချုပ်သားတွေကိုစုပြီးဘုန်းကြီးကျောင်းကယာယီစောင့်ရှောက်ထားတယ်။ တချို့ကိုစားရိတ်ပေးပြန်လွှတ်တယ်။တိုင်းပြည်ပျက်တော့ လူတွေလည်းကျီးလန့်စာစားပေါ့။ရာဇ၀တ်သားတွေကိုငွေစက္ကူအသစ်တွေပေးပြီးစစ်ထောက်လှမ်းရေးကသပိတ်လှန့်ခိုင်းတယ် ၊သောက်ရေထဲအဆိပ်ခတ်နေတယ်ဆိုတယ်ကောလဟလတွေကလည်းကြားနေရတော့ညဆိုရဟန်းသံဃာတွေနဲ့ကျောင်းသားတွေကင်းစောင့်ကြတယ် ။မြို့လူထုကကိုယ့်ရပ်ကွက်ကိုကင်းစောင့်နေရတယ်။မြို့ကတောင်ပတ်လည်ဝန်းရံနေပြီးညဘက်ဆိုတောင်ပေါ်တွေမှာ မီးတလက်လက်နဲ့မို့လုံခြုံရေးစစ်တပ်တွေနေရာယူထားဟန်တူတယ်။ တညမှာတော့ရုတ်ရုတ်သဲသဲနဲ့ပြဿနာတခုဖြစ်နေတဲ့အကြောင်းညသန်းခေါင်ကျော်ကြီးသမဂ္ဂရုံးမှာအိပ်နေတဲ့ကျနော်တို့ကို ကင်းလှည့်ကျောင်းသားတွေလာအသိပေးလို့ဓာတ်မီးကောက်ဆွဲပြီးလိုက်ရတယ်။ကျနော်တို့မြို့မှာလမ်းမီးတော့လာပါရဲ့၊ ခရမ်းချဉ်သီးတက်ချိတ်ထားသလိုပဲ၊မီးမှိန်မှိန်နဲ့မသဲကွဲဘူး။ လူတွေဆူညံညံရုတ်ရုတ်သဲသဲနေရာလှမ်းကြည့်တော့အမှတ်(၄)ရပ်ကွက်၊မဆလရပ်ကွက်လူကြီးဦးသာအေးအိမ်ရှေ့ကြီး ၊ခြံတခါးတော့ပိတ်ထားတယ်။အိမ်အပြင်ကနေ“တရားခံထုတ်ပေး”“သူခိုးထုတ်ပေး”နဲ့အော်နေတာ၊ဒေါသထွက်နေသူတချို့ကခြံအုတ်နံရံကြီးဖြိုချတာကလွဲလို့၊ အိမ်ခေါင်သွပ်မိုးကိုဂဲနဲ့ထုတာကလွဲလို့ကျူးကျူးလွန်လွန်တွေမလုပ်ကြလို့တော်သေးတယ်။ အကျိုးအကြောင်းမေးကြည့်တော့မီးရထားလမ်းဘေးကသက်ကယ်မိုးထရံကာယာယီဈေးကြီးကို လူတယောက်မီးကွင်းနဲ့ပစ်ပြေးတာတွေ့လို့ကင်းသမားတွေလိုက်ဖမ်းတာဦးသာအေးခြံထဲဝင်ပြေးသွားလို့တဲ့။ ။နောက်တောဒီပြဿနာဖြေရှင်းပါ့မယ်လို့ဂတိပြုလူစုခွဲလိုက်ကြတယ်။မကြာခင်ရက်ပိုင်းမှာရပ်ကွက်လူကြီးဦးသာအေးနဲ့မဆလအဖွဲ့ဝင်တွေလူထုဝန်ချတောင်းပန်ပွဲကို အခမ်းအနားနဲ့လုပ်ကြတယ်။ပါတီမှတ်ပုံတင်ကပ်ပြားတွေအပ်နှံမီးရှို့ပွဲပါလုပ်တယ်။ တခြားမြို့တော်တော်များများလည်းအဲလိုမဆလပါတီဝင်တွေအစုလိုက်အပြုံလိုက်နှုတ်ထွက်ပွဲတွေလုပ်ကြတဲ့သတင်းတွေကြားတယ်။ ကျနော်တို့မြို့မှာမဆလပါတီခေါင်းဆောင်တွေအိမ်ညပိုင်းအိမ်ခေါင်ဂဲနဲ့ပေါက်ခံရတယ်ဆိုတဲ့သတင်းတွေကလွဲလို့သွေးထွက်သံယိုတွေမဖြစ်ခဲ့ဖူး။ အိမ်ခေါင်မိုးဂဲနဲ့ပေါက်တာနဲ့ပါတီလူကြီးတချို့ဆွေမျိုးသားချင်းတွေဆီရာတခြားမြို့တွေရှောင်ပြေးကြတာလည်းရှိတယ်။ တကယ်တမ်းပါတီပျက်တော့အောက်ခြေပါတီအမှုဆောင်တွေဘာအာမခံချက်မှမရှိကြပါဘူး။ အဲဒီတုံးကလမ်းစဉ်လူငယ်တွေ၊ရှေ့ဆောင်လူငယ်တွေ၊တင်းပြည့်ပါတီဝင်တွေဆိုတာသပိတ်တပ်နဲ့အတူပူးပေါင်း၊ သပိတ်တပ်ဦးမှာဘင်ခရာတပ်ဖွဲ့တွေအဖြစ်တက်တက်ကြွကြွပါလာတာပဲ။မြို့လူထုကသိတ်ညီညွတ်တယ်။သိတ်ငြိမ်းချမ်းတယ်။ ရန်ကုန်၊မန္တလေးကသတင်းတွေကိုကျနော့ဆရာဦးရွှေထူးကကားကြုံနဲ့နေ့စဉ်ပို့ပေးနေတယ်။ သိတ်ကာလဆိုပေမဲ့ကုန်ကူးသန်းမှု၊ခရီးသွားလာမှုတွေအရှိန်မပျက်စေဘဲလားရှိုးမန္တလေးကားသေးတွေကတော့ပုံမှန်ပြေးနေတယ်။ တမြို့နဲ့တမြို့အဲလိုအမြန်ကားတွေနဲ့ဘဲစာပို့ဆက်ဆံရတာလေ။အခုခေတ်လိုမိုဘိုင်းလက်ကိုင်ဖုံးတွေ၊ကွန်ပြူတာတွေ.. ဘာညာတွေမှမရှိသေးတာ။ခြင်းထဲထည့်ပြီးဟိုဒီသယ်သွားလို့ရတဲ့“ခြင်းဖုံး”တောင်မပေါ်သေးဖူး။ လိုင်းဖုံးလည်းအိမ်တိုင်းရှိတာမဟုတ်၊ဒါကြောင့်နေ့ချင်းအမြန်ပြေးဆွဲတဲ့ကားစေတမာန်နဲ့ဘဲအဆက်အသွယ်လုပ်ရတာပါ။ ဆရာပို့ပေးတဲ့သတင်းထဲမှာရန်ကုန်သပိတ်ကိုစစ်ထောက်လှမ်းရေးက၀င်ဖျက်နေတာ၊ လူထုသပိတ်ထဲစိုးရိမ်ထိတ်လန့်အောင်ခေါင်းဖြတ်ပွဲတွေဖန်တီးနေတဲ့အကြောင်း၊ထောင်ထွက်တချို့ဆီကငွေစက္ကူအသစ်တွေဖမ်းမိတဲ့အကြောင်း၊ စစ်တပ်ကဗဟိုဘဏ်ကနေငွေစက္ကူတွေထုတ်သွားသလိုဂိုဒေါင်တွေဖောက်ပြီးရိက္ခာတွေစုဆောင်းနေတဲ့အကြောင်း ၊လူထုထဲမှာသပိတ်အီလာပြီးစားဝတ်နေရေးပြဿနာဖြစ်နေတဲ့အကြောင်း၊ မကြာခင်စစ်တပ်ကအာဏာသိမ်းနိုင်တာကြောင့်ကြားဖြတ်အစိုးရအမြန်ဖွဲ့နိုင်ဖို့လိုတဲ့အကြောင်းတွေဖော်ပြရှင်းလင်းထားတယ်။ “တခုခုဖြစ်ပြီဆို..တခြားအရပ်မျက်နှာတွေထွက်မသွားနဲ့မန္တလေးကိုဆင်းခဲ့ပါ”လို့လည်းမှာထားတယ်။ ကျနော်တို့မြို့ကသပိတ်ကာလဟာခဏလေးပေမဲ့မြို့လူထုဟာတက်တက်ကြွကြွစည်းကမ်းတကျဝန်းဝိုင်းကူညီလို့ မြို့လုံခြုံရေး၊အုပ်ချုပ်ရေး၊စီးပွားရေးမှာကြီးကျယ်တဲ့ပြဿနာတွေမရှိခဲ့ဘူး။ သပိတ်ကာလခြိုးခြံခြွေတာရတာတွေတော့လည်းရှိတာပေါ့လေ။ တိုင်းပြည်ကအစိုးရမရှိ၊စီမံခန့်ခွဲရေးယန္တရားတခုလုံးကပြိုလဲသွားတာကိုး။ပြည်သူတွေကလည်းနှစ်ပေါင်းများစွာ၊ဆင်းရဲခြင်း၊ သီးခံခြင်းတွေနဲ့ယဉ်ပါးကျင့်သားရနေတာလည်းပါမှာပေါ့။ ကျနော်တို့မောင်နှမတွေဟာငယ်ငယ်ကတည်းကဘဲဥတခြမ်းထဲနဲ့ထမင်းတနပ်စားလာခဲ့ရတာကျနော်လူပျိုပေါက်အထိဘဲ။ အဲဒီခေတ်ကတည်းကအစိုးရဆိုတာပြည်သူတွေအပေါ်ကောင်းကျိုးထက်၊ အဆိုးဒုက္ခတွေပဲပေးတတ်တယ်လို့လူအများကသဘောပေါက်နေကြတာ။ ၈၈သပိတ်မှာလူတန်းစားအစုံပါတယ်ဆိုပေမဲ့ဆင်းရဲတဲ့ပြည်သူတွေ၊၀န်ထမ်းတွေကပိုတက်ကြွခဲ့တယ်။ ။ပြီးတော့ပိုပြီးအထိနာခဲ့တယ်။မြို့ဆင်ခြေဖုံးနဲ့နယ်တွေ၊ကျေးလက်တွေမှာပိုဆိုးတာပေါ့။ ခိုးစား၊လုယက်စားသောက်ရတဲ့သတင်းတွေတောင်ကြားခဲ့ရတယ်။ ။မြို့ပေါ်မှာတော့စစ်တပ်ကဂိုဒေါင်တွေဖွင့်ပြီးလိုတာထုတ်ယူပြီးမှကျန်တာလေးတွေအပြေးအလွှားသွားယူမိလို့စစ်တပ်ရဲ့ပစ်ခတ်မှုခံရတဲ့အပြင်၊ ခိုးဆိုးလုယက်ရမ်းကားသူတွေလို့တံဆိပ်ကပ်ခံရသေးတယ်။ရေထဲအဆိပ်ခတ်တယ်၊ ဘဲဥထဲအဆိပ်ပါတယ်။စိတ်ကြွဆေးတွေထိုးထားတဲ့အကျဉ်းသားတွေကအကြမ်းဖက်နေတယ်..စတဲ့စတဲ့ မဟုတ်မမှန်သတင်းနဲ့အမှန်တချို့ရောပြီးကောလဟလတွေကလည်းလူထုကြားကိုစိုးရိမ်ကြောက်ရွံမှုတွေဖြစ်စေတယ်။ ။ဒေါ်အောင်ဆန်းစုကြည်ရွှေတိဂုံဘုရားတရားဟောပွဲမတိုင်ခင်.. ညပိုင်းထောက်လှမ်းရေးဗိုလ်ကြီးစည်သူနဲ့တပ်ကြပ်ကြီးတယောက်မြိုလည်ထဲကားအပြင်းမောင်းလို့ကျောင်းသားတွေကားနဲ့ညှပ်ပိတ်ဖမ်းပြီးစစ်ဆေးမေးမြန်းတဲ့သတင်းကြားတယ်။ အမှန်တော့ပွဲလှန့်တဲ့သဘောဆိုတာနောက်မှသိရတယ်။စစ်ထောက်လှမ်းရေးရဲ့သဘာဝက.. လူတွေကြားစိုးရိမ်ကြောက်ရွံ့နေအောင်၊တယောက်နဲ့တယောက်မယုံသင်္ကာစိတ်တွေဝင်နေအောင်၊မလုပ်ရဲ၊မကိုင်ရဲ. .မိမိကိုယ်မိမိယုံကြည်မှုတွေနည်းနေအောင်၊သူတို့အပေါ်အထင်ကြီးနေအောင်လုပ်တတ်တဲ့သဘာဝရှိတယ်ဆိုတာလည်း.. အစောပိုင်းကာလတွေကကျနော်တို့သိတ်မသိခဲ့ကြဖူး။ရန်ကုန်ကုန်သွယ်ရေးရုံးအပေါ်ထပ်ကတပ်ခွဲတခွဲကသေနပ်မိုးပေါ်ထောင်ပစ်တော့အောက်ကချီတက်နေတဲ့ သပိတ်တပ်ပေါ်ကျည်ဆံခွံကျရာကစပြီး..ကုန်သွယ်ရေးရုံးကိုလူအုပ်ကြီးဝိုင်းလိုက်တယ်။ ထိမ်းထိမ်းသိမ်းသိမ်းဖြစ်စေလိုတဲ့သပိတ်ခေါင်းဆောင်တချို့နဲ့ရဟန်းတွေကတပ်မတော်သားတွေကိုကယ်ထုတ်ပြီးလက်နက်တွေတော့သိမ်းလိုက်တယ်။ (ရန်ကုန်သရက်တောဘုန်းကြီးကျောင်းမှာအပ်နှံတယ်လို့သိရတယ်)တကယ်တော့အဲဒီလက်နက်တွေကမီးကျိုးမောင်းပျက်တွေ၊ တခါနှစ်ခါပစ်ပြီးထပ်ပစ်လို့မရသလိုပစ်မှတ်ကိုလည်းလွဲချော်အောင်ပြုပြင်ထားတယ်လို့လက်နက်အကြောင်းသိတဲ့တပ်မတော်သားတွေ (သပိတ်တပ်ဘက်ကူးပြောင်းလာတဲ့တပ်မတော်သားတချို့)ကပြောပြတယ် (ဒါတွေကဖြစ်ပျက်မှုမှာပါဝင်သူ၊မျက်မြင်များနဲ့နောက်ပိုင်းမှာအင်တာဗျူးရင်းသိရတာတွေပါ)။ တကယ်ဆိုတပ်မတော်အာဏာသိမ်းတာအကြောင်းပြကောင်းအောင်စစ်ထောက်လှမ်းရေးကအကွက်ဆင်လိုက်တာပါ။ သူ့စစ်သားတချို့ကိုချကြွေးပြီးထောင်ချောက်ဆင်တာပေါ့။နောက်ပိုင်းစစ်အာဏာသိမ်းတော့လည်း.. အဲဒီလိုပဲပြောတာပဲ..အကြမ်းဖက်သူတွေ၊လက်နက်လုယူတယ်ဘာညာပေါ့..။ ဒီလိုနဲ့လုယက်မှုတွေ၊ငတ်ပြတ်မှုတွေ၊အကြမ်းဖက်မှုတွေ၊ဒေါသတွေ၊မယုံသင်္ကာမှုတွေ၊ခေါင်းဖြတ်မှုတွေကတဖက်.. သပိတ်တပ်နဲ့နိုင်ငံရေးသမားတွေရဲ့ကြားဖြတ်အစိုးရဖွဲ့ဖို့ညှိနှိုင်းမှုတွေကတဖက် ၊ကောက်ကျစ်ညစ်ပလီမှုတွေနဲ့စစ်ထောက်လှမ်းရေးနဲ့ဦးနေ၀င်းကြိုးကိုင်စစ်တပ်တွေကတဖက်.. ရှုတ်ရှုတ်ထွေးထွေးအခြေအနေတွေကြားမှာစစ်အာဏာသိမ်းမှုကြီးဖြစ်လာပါတယ်။ ရန်ကုန်နဲ့မြို့ကြီးတချို့မှာပစ်ခတ်သတ်ဖြတ်လို့လူတွေရာချီသေခဲ့တယ်လို့ကြားတယ်။ အဲဒီတုံးကပြည်သူအများမျော်လင့်မထားဘဲဖြစ်ခဲ့တာပါ။ဒီမိုကရေစီတိုက်ပွဲရဲ့အရင်းအနှီးကသိတ်ကြီးမားလွန်းတယ်။ မှတ်မှတ်ရရ..ကျနော်တို့မြို့မှာမြို့နယ်ဈေးသမဂ္ဂကဦးဆောင်ပြီးသပိတ်ပေါင်းစုံကမြို့လည်လမ်းမပေါ်အစာငတ်ခံထိုင်သပိတ်မှောက်နေကြတာ။ ညနေ၄နာရီလောက်ကြီးမြန်မာ့အသံရေဒီယိုကအဆက်မပြတ်စစ်ချီသီချင်းတွေလွှင့်ထုတ်နေတယ်။ ရုတ်တရက်ကာကွယ်ရေးဦးစီးချုပ်ဗိုလ်ချုပ်စောမောင်အသံနဲ့အမိန့်အမှတ်၁/၈၈ဆိုပြီး နိုင်ငံတော်အာဏာကိုတပ်မတော်ကသိမ်းယူလိုက်ကြောင်းသတင်းကြားလိုက်တယ်။ကျောင်းသားသပိတ်စခန်းမှာ.. ကျနော်နဲ့ပန်းချီဆရာသန်းညွန့်(ခွတ်ဒေါင်းစာဆောင်တာဝန်ခံအယ်ဒီတာ)တို့တယောက်မျက်နှာတယောက်ကြည့်ပြီးကြောင်နေတယ် ။မြို့ထဲကသပိတ်တပ်ကမသိသေးဘူး။ညီညီညာညာတန်းစီထိုင်ပြီးဆန္ဒပြကောင်းတုံး။ ကိုသန်းညွန့်က“ဒီအတိုင်းဆိုမလွယ်ဖူး၊မင်းကဟိုလိုက်သွားပြီးအကြောင်းကြားတိုင်ပင်လိုက်၊ငါဒီမှာလုပ်စရာတွေလုပ်ထားမယ်”လို့ပြောတယ်။ ကျနော်ထိုင်သပိတ်မှောက်ရာနေရာပြေးသွားတယ်။ သပိတ်နာယကဒေါက်တာဦးနေလင်း(မဆလတရားရေးဝန်ကြီးဦးတင်အောင်ဟိန်းရဲ့ညီ)ကိုကျနော်အရေးကြီးတာပြောစရာရှိတဲ့အကြောင်း လူအူပ်ကြားကနေလက်ကုတ်ခေါ်လိုက်တယ်။ လူရှင်းတဲ့ပလက်ဖောင်းပေါ်မှာဆရာဦးနေလင်းနဲ့သပိတ်ခေါင်းဆောင်တချို့ကို..အခုပဲအာဏာသိမ်းတဲ့အကြောင်းကြေငြာလိုက်ပြီလို့အသိပေးလိုက်တယ်။ “မိုက်ကြတယ်ကွာ..မိုက်ရိုင်းလိုက်တာ..အတော်မိုက်ရိုင်းလိုက်တာ”ဆရာကြီးဦးနေလင်းမျက်နှာကြီးနီပြီးဒေါသတွေထွက်နေတယ်။ “မိုက်ရိုင်းလိုက်တာ..မိုက်ရိုင်းလိုက်တာ”ဆရာ့ပါးစပ်ကဒါပဲထပ်ခါထပ်ခါရေရွတ်နေတယ်။ ဘာဆက်လုပ်ကြမလဲ..ဆွေးနွေးတယ်၊အရင်ဆုံးလုပ်သင့်တာကိုဆုံးဖြတ်ကြတယ်။ “ဒီနေ့သပိတ်တိုက်ပွဲအောင်မြင်စွာပြီးဆုံးပါပြီ”သပိတ်တပ်သားတွေကြွေးကြော်သံတွေသံပြိုင်တိုင်ကြတယ်။ “ကြားဖြတ်အစိုးရဖွဲ့စည်းရေး..ဒို့အရေး..ဒို့အရေး။“အရေးတော်ပုံအောင်ရမည်..အောင်ရမည်” သူတို့အဖြစ်ပျက်မှန်ဘာမှမသိကြဖူး၊မျက်နှာမှာပင်ပမ်းနွမ်းရိနေတဲ့ကြားကမျော်လင့်ချက်တွေ၊ယုံကြည်ချက်တွေကိုမြင်နေရတယ်။ ညနေမိုးချုပ်စပြုနေပြီ။ဆရာဦးနေလင်းနဲ့သပိတ်ခေါင်းဆောင်တွေကတော့မျက်နှာကြီးတွေရဲနီပြီး၊ ခါတိုင်းထက်ပိုပြီးမာကြောတဲ့အသံနဲ့ကြွေးကြောသံတွေဟစ်အော်နေတယ်။ဒေါသတွေထွက်နေတယ်။ ကျနော်လည်းငိုချင်သလိုလိုဖြစ်နေတယ်။ဘာလုပ်ရမလဲဆိုတာပဲခေါင်းထဲရောက်နေတယ်။သပိတ်တပ်ကြီးရှမ်းကျောင်းကြီးထဲဝင်ပြီးရော.. ဆရာကြီးဦးနေလင်းကိုနှုတ်ဆက်လိုက်တယ်“ဆရာကျနော်သပိတ်စခန်းသွားတော့မယ်”ဆရာကြီး..စိတ်မကောင်းတဲ့မျက်လုံးနဲ့ကြည့်နေတယ်။ ကျနော်ကကိုအားပါပါဖျစ်ညှစ်ပြီးလက်ဆွဲနှုတ်ဆက်တယ်။သူ့မှာပြောစရာစကားလည်းရှာမရဖူးနဲ့တယ်။မျက်ရေ၀ဲပြီးခေါင်းငြိမ့်နှုတ်ဆက်တယ်။ (နောက်ပိုင်းတော့မြိုနယ်ဆရာဝန်ကြီးဒေါက်တာဦးနေလင်း၊ကချင်ပြည်နယ်ဘက်ပြောင်းရွှေ့ခံခဲ့ရယ်တဲ့၊ခုတော့..ရှိလား၊မရှိလားမသိတော့ဖူး)။ ကျနော်သပိတ်စခန်းရောက်တော့မိုချုပ်စ၊ညီအကိုမသိတသိအချိန်၊ကျောင်းရှေ့အလံတိုင်ပေါ်ကခွတ်ဒေါင်းအလံကြီးမတွေ့ရတော့ဖူး ။ကျောင်းခန်းအလည်ကကျနော်တို့ပြပွဲလုပ်ထားတဲ့၊ဓာတ်ပုံတွေ၊ပန်းချီကားတွေသတင်းစာတွေ… ဘာဆိုဘာမှမရှိတော့။ကျနော်ကမန်းကတန်းအပေါ်ထပ်ကကျနော်တို့အလုပ်ခန်းကိုပြေးတက်သွားတယ်။ “ပါးစပ်ကလည်းခွတ်ဒေါင်းအလံ..ဘယ်ရောက်သွားလဲ..ဒေါင်းအလံဘာကြောင့်ဖြုတ်လိုက်တာလဲ..ခွတ်ဒေါင်းအလံပြန်တင်မယ်” အပေါ်ထပ်မှာကိုသန်းညွန့်ကိုပန်းချီဆွဲတဲ့ဆေးပစ္စည်းတွေ၊စာရွက်စာတမ်းတွေသိမ်းလက်စနဲ့တွေ့ရတယ်။ “ဒေါင်းအလံငါဖြုတ်ခိုင်းတာဘာမှလုပ်မရနိုင်ဘူး၊စနစ်တကျဆုတ်တာကောင်းမယ်၊စစ်တပ်ကမကြာခင်ဝင်စီးရင်ငါတို့မှာဘာမှမရှိဖူး”သူပြောတာလက်တွေ့ကျတယ်။ ကိုသန်းညွန့်ဟာစာပေအနုပညာသမားတယောက်ဖြစ်တဲ့အတိုင်းကိစ္စရပ်တခုခုကိုနှိုင်းနှိုင်းချင့်ချိန်တွေးပြီးဆုံးဖြတ်တတ်တယ်။ သပိတ်ကာလတလျောက်သူနဲ့အတူတူတွဲလုပ်ခွင့်ရတာကျနော်သိတ်ကံကောင်းတယ်။သူကအကြံကောင်းတွေပေးတတ်တယ်။ ရင့်ကျက်တယ်။ကျနော်က၀ုန်းဝုန်းဒိုင်းဒိုင်းနဲ့ရယ်။အခုလည်းခွတ်ဒေါင်းအလံကိုသူတားနေတဲ့ကြားကပြန်တင်ခိုင်းတယ်။ “ခွတ်ဒေါင်းအလံကိုအားလုံးအလေးပြုပြီးစနစ်တကျချပြီးမှသပိတ်ကိုရုတ်သိမ်းနိုင်မယ်”ကိုသန်းညွန့်လည်းဘာမှမပြောတော့ပါ။ ကျနော်တို့အားလုံးကျောင်းဝန်းထဲကအလံတော်ရှေ့မှာဝိုင်းလိုက်တယ်။ကျနော်ကပဲတိုင်ပေးလိုက်တယ်။ “ငါတို့သည်..ငါတို့သည်” “ဒီမိုကရေစီပန်းတိုင်ရောက်သည်အထိ….ဒီမိုကရေစီပန်းတိုင်ရောက်သည်အထိ” “ဆက်လက်တိုက်ပွဲဝင်သွားရန်အဓိဌာန်ပြုပါသည်..ဆက်လက်တိုက်ပွဲဝင်သွားရန်အဓိဌာန်ပြုပါသည်” …..“နိုင်ငံတော်သီချင်း..စ…ဆို” “ကမ္ဘာမကြေ…ဗမာပြေ..တို့ဘိုးဘွားအမွေစစ်မိုချစ်မြတ်နိုးပေ..” ကျနော်နိုင်ငံတော်သီချင်းဆိုရတာအဲဒီတခါတကယ့်ကိုလှိုက်လှိုက်လှဲလှဲရှိလွန်းတယ်။ပြီးတော့ကြွေးကြော်လိုက်တယ် “အရေးတော်ပုံ….အောင်ရမည်” “အရေးတော်ပုံ…အောင်ရမည်” “အရေးတော်ပုံ..အောင်ရမည်”…… ကျနော့မျက်ရေတွေလည်လာတယ်။ ။ကျောင်းသားလေးတယောက်ကခွတ်ဒေါင်းအလံကို..တိုင်ပေါ်ကနေတဖြေးဖြေးဖြုတ်ချလိုက်တယ်။ ကျနော်တို့အားလုံးပါးရိုးတွေထောင်ပြီး၊လည်ချောင်းကြောတွေထနေအောင်ဆက်တိုက်အော်နေတယ်။ စိတ်တွေကြွနေတယ်။ဆက်ပြီးမြို့ထဲချီတက်မယ်ဆိုပြီးဟန်ပြင်ကြတယ်။ အနီးပတ်ဝန်းကျင်ကမြို့မိမြို့ဖတွေကျနော်တို့သပိတ်စခန်းနားဝိုင်းလာတယ်။ ..“သားတို့မြန်မြန်လမ်းခွဲကြတော့..စစ်သားတွေကားတွေနဲ့ဆင်းလာပြီ” “သားတို့ဆက်မသွားကြပါနဲ့..တင့်ကားကြီးလည်းပါလာတယ်၊သူတို့တတွေပစ်ကြခတ်ကြလိမ့်မယ်” “တောင်းပန်ပါတယ်..မထွက်ကြပါနဲ့အိမ်ပြန်ကြပါ”.. ကျနော်တို့ကိုမြို့မိမြို့ဖတွေအတင်းတားတယ်။တောင်းပန်နေတယ်၊ အကြမ်းဖက်မှုတခုခုဖြစ်မှာသူတို့မလိုလားတဲ့သဘောတွေပြောနေတယ်။ သူတို့မျက်နှာမှာလည်းစိုးရိမ်ပူပန်မှုတွေနဲ့။နောက်ဆုံး..ကျနော်တို့လက်လျော့လိုက်တယ်။ “ကဲ..အားလုံးခနဖြောက်နေကြမယ်..ပြီးရင်ပြန်ဆုံမယ်”…..။ တကယ်ပဲကျနော်အဲဒီစကားပြောခဲ့တယ်။ခနဖြောက်နေမယ်လို့ကိုယ့်ရဲဘော်ရဲဘက်တွေကိုပြောခဲ့တာ.. အခုထိဖြောက်လို့ကောင်းဆဲ…၊ပြန်ဆုံမယ်ဆိုပြီးပြောခဲ့ပေမဲ့၂၄နှစ်တောင်ကျော်လာပြီမဆုံနိုင်သေးဖူး။ ကျနော့်မှာဂတိတွေလည်းပျက်ခဲ့တယ်၊တော်လှန်ရေးလည်းပြီးဆုံးအောင်မြင်အောင်မလုပ်နိုင်ခဲ့ဖူး။ စစ်ရှုံးသူတယောက်လိုပုခုန်းပေါ်မှာရာဇ၀င်အကြွေးတွေတပုံတပင်ကြီးနဲ့။ အင်း……မတတ်နိုင်ဖူး...။ တော်လှန်ရေးသမားဘ၀မှာ..တခါတခါတော့လည်းရှက်စရာ……..။ ကိုညို။