သူတို့ကခေါ်တော့ဒုက္ခသည်၊ကိုယ့်ကိုယ်ကိုတော့တော်လှန်ရေးသမား။ (၅)

ကျနော်တို့မန္တလေးကရဲဘော်တွေမိုးရေးနယ်စပ်မရောက်ခင်ကတည်းကတမူးနဲ့ကလေးမြို့ကကျောင်းသားသုံးဆယ်နီးပါးမိုးရေးမှာရောက်နေကြပြီ။ ကျနော်တို့ကိုမိုးရေးမြို့အခြေစိုက်တဲ့Sunrise Youth Club (တက်နေ၀န်းလူငယ်များအသင်းလို့ဘာသာပြန်ရမလားမသိ၊ကာလသားလူငယ်တွေနဲ့စုဖွဲ့ထားတာ) အဖွဲ့နဲ့မိုးရေးမြို့ကုန်သည်ကြီးများအသင်းကစောင့်ရှောက်ကူညီတာဖြစ်တယ်။ သူတို့အားလုံးဟာမြန်မာပြည်အဆက်တွေပါ။ဆွေမျိုးသားချင်းတချို့ဗမာပြည်မှာရှိနေသေးတယ်လို့သိရတယ်။ တက်နေ၀န်းလူငယ်တွေကတော့ဗမာစကားနည်းနည်းပါးပါးတော့ပြောတတ်တယ၊် ကုန်သည်ကြီးများအသင်းကလူတွေကတော့မွတ်နေတာပဲ၊စကားရော၊စီးပွားရေးရော။ သူတို့တတွေကျနော်တို့ကိုလိုလိုလားလား၊ချစ်ချစ်ခင်နဲ့ကိုကြိုဆိုကြတယ်။ ကျနော်တို့မလာခင်၂ရက်လောက်မှဝန်ကြီးချုပ်ရာဂျစ်ဂန္ဓီကမြန်မာနိုင်ငံသားတွေကို အိန္ဒိယကဒုက္ခသည်အဖြစ်လက်ခံမယ်လို့ကြေငြာထားတာမို့ကျနော်တို့အဖွဲ့ကံကောင်းခဲ့ပေမဲ့၊ ကျနော်တို့ထက်အရင်ရောက်ခဲ့တဲ့ကလေးမြို့ကကိုအောင်ဆန်းလင်း (ယခုသြစတေးလျား)တို့အုပ်စုနဲ့တမူးကကိုကျော်ကျော်ထွဋ်(ယခုအမေရိကား)၊ စာရေးဆရာကောလ်ထန်မောရိယာယ်လ်နဲ့ကျောင်းသားလူငယ်တချို့မှာ အာဏာသိမ်းပြီးရက်ပိုင်းအတွင်းထွက်လာကြတာဆိုတော့၊မိုးရေးရဲတွေမဖမ်းအောင်ဟိုပြေးဒီရှောင်နေရတယ်။ ရှားရှားပါးပါးအမျိုးသမီးတယောက်လည်းပါတယ်။ကလေးမြို့နယ်တာဟန်းကလုရှိုင်းချင်းအမျိုးသမီးမူလတန်းပြဆရာမ၊မစန်းပွီးဆိုသူပါ ။စောစောကတက်နေ၀န်းအဖွဲ့ခေါင်းဆောင်မဏိပါးတို့အဖွဲ့တွေကခိုးကြောင်ခိုးဝှက်စောင့်ရှောက်ထားရတာ။ ကျနော်တို့အားလုံးကိုတက်နေ၀န်းအသင်းအဆောင်မှာနေရာချထားပေးတယ်။ သူတို့ရုံးကမိုးရေးဘော်လုံးကွင်းဘေးနားမှာ၊နယ်စပ်ခြံစည်းရိုးနဲ့ကပ်နေတာပဲ(အခုထိရှိနေသေးတယ်)ဲ ။ရောက်ရောက်ချင်းညမှာပဲတည်းခိုရာအဆောက်အဦးသွပ်ခေါင်ပေါ်ဘယ်ကမှန်းမသိတဲ့ဂဲတွေကျလာလို့.. မိုးရေးရဲစခန်းကလက်နက်ကိုင်ရဲ၂ယောက်လာပြီးကင်းစောင့်ပေးရတယ်။ကျနော်တို့ရောက်တော့အစောပိုင်းရောက်နေသူတွေလည်းဝမ်းသာကြတာပေါ့လေ။ မိုးရေးမြို့ကုန်သည်ကြီးများအသင်းအတွင်းရေးမှုးN.Kumarကမန္တလေးတက္ကသိုလ်မှာဘွဲ့ရခဲ့တာ။ ကျနော်တို့အားလုံးနေထိုင်စားသောက်ရေးနဲ့အိန္ဒိယအာဏာပိုင်တွေနဲ့ထိတွေ့ဆက်ဆံပြီးဘာသာပြန်တာကအစကူညီပေးပါတယ်။ ကျနော်တို့မလာခင်တရက်မှာပဲ..အိန္ဒိယစစ်ထောက်လှမ်းရေးရဲ့မှတမ်းနဲ့သုသေသနအဖွဲ့၊ RAW(Research & Analysis Win)ကအရာရှိတွေရဟတ်ယာဉ်နဲ့ရောက်လာပြီး ကိုကျော်ကျော်ထွဋ်နဲ့စာရေးဆရာကောလ်ထန်မောရိယာယ်လ်တို့ကိုလာတွေ့တဲ့အကြောင်း၊ ဘာတွေလိုအပ်လည်းမေးတော့၊စားဝတ်နေရေးနဲ့ခိုလှုံစရာအပြင် ဒီမိုကရေစီတော်လှန်ရေးအတွက်လက်နက်ကိုင်သင်တန်းနဲ့လက်နက်ပါထောက်ပံ့ဖို့တောင်းဆိုခဲ့တယ်လို့..သိရတယ်။ “သူတို့ပေးနိုင်မပေးနိုင်လည်းမသိဖူး၊နိုင်ငံတကာဆက်ဆံရေးတို့၊နိုင်ငံရေးတို့လည်းသိတာမဟုတ်ဖူး၊ အဲဒီတုံးကကိုယ်လိုချင်တာ၊လိုအင်တာတောင်းလိုက်တာပဲ”လို့ ကိုကျော်ကျော်ထွဋ်ကနောက်ပိုင်းမှာပြန်ရှင်းပြတယ်။ကျနော်တို့တက်နေ၀န်းရိပ်သာမှာနေထိုင်စဉ်မဏိပူကနာမည်ကြီးNorth East Sunမဂ္ဂဇင်းကသတင်းနဲ့ သတင်းဓာတ်ပုံတွေရိုက်သွားတယ်။(အဲဒီသတင်းဓာတ်ပုံတွေန၀တစစ်အစိုးရသတင်းစာမှာနောက်ပိုင်းဖော်ပြခဲ့ရာက ကျနော်ပုံကိုမြင်ပြီးမိသားစုကအိန္ဒိယနယ်စပ်ရောက်နေပြီလို့သိသွားတာပါ)၊မှတ်မိနေတာလေးတခုက၈၈အာဏာသိမ်းတော့သေနပ်ထိမှန်ပြီး တကိုယ်လုံးသွေးတွေပေကျံနေတဲ့ကျောင်းသူလေးတဦးကိုဆေးကျောင်းသား၂ယောက်ကျည်လွတ်ရာသယ်ပြေးနေတဲ့(မ၀င်းမော်ဦးပုံ)မျက်နှာဖုံးနဲ့News Week မဂ္ဂဇင်းကို မိုးရေးရောက်တော့စမြင်ဖူးသလို၊အရေးတော်ပုံကာလထွက်လာတဲ့အဆိုတော်မာမာအေးနဲ့ကိုမင်းနောင်တို့ဆိုထားတဲ့ ခွတ်ဒေါင်းနဲ့အတူတိုက်သီချင်းလေးလည်းအဲဒီမှာစကြားဘူးတာပါ။အဲဒီဓာတ်ပုံနဲ့အဲဒီသီချင်းဟာကျနော်တို့တတွေရဲ့ဒေါသကိုသာပြင်းထန်စေရုံမက၊ စိတ်ဓာတ်တွေကိုလည်းပိုပြီးခိုင်မာစေ၊အားကောင်းစေခဲ့ပါတယ်။ တကယ်တော့မြန်မာနိုင်ငံသားတွေကိုအိန္ဒိယကဒုက္ခသည်အဖြစ်လက်ခံတယ်လို့သာပြောတာ.. ဘာတခုမှသေချာစီစဉ်ထားတာမရှိသေးပါဖူး။နယ်စပ်ဖြတ်ကျော်လာသူတွေကလည်းတခြားနိုင်ငံကဒုက္ခသည်ဆိုသူတွေနဲ့ပုံစံမတူသလို၊ ထိုင်းနယ်စပ်ကစစ်ပြေးဒုက္ခသည်တွေ၊ရွာပုးံရွာရှောင်ဒုက္ခသည်တွေလို..ခလေးတွေ၊မိသားစုတွေမပါဖူး။တက္ကသိုလ်ကျောင်းသားတွေ၊ လူငယ်တွေစတဲ့အရွယ်ကောင်းလေးတွေဆိုတော့ထူးထူးခြားခြားဖြစ်နေတယ်။အမှန်တော့ဒီလူတွေအားလုံးဟာအန္တရာယ်ကလွတ်အောင်ပြေးလာသူတွေထက်. .ရရင်ရမရရင်ချဆိုတဲ့ကြွေးကြော်သံနဲ့ကိုယ်ဆန္ဒနဲ့ကိုယ်သူပုန်ထဖို့ထွက်လာသူတွေဖြစ်တယ်။ ဒီတော့..အားလုံးဟာတက်ကြွနေတယ်။မျော်လင့်ချက်တွေနဲ့သိတ်ပြင်းထန်နေကြတယ်။ အိန္ဒိယကလူသားချင်းစာနာပြီးခိုလှုံခွင့်ပေးတာကို၊ကျနော်တို့စိတ်ထဲထင်လိုက်တာက.. လွတ်မြောက်နယ်မြေတခုမှာစစ်သင်တန်းပေးမယ်၊လက်နက်တွေပေးမယ်ဆိုတာပဲ။ တကယ့်လက်တွေ့မှာတော့အဲဒီတုံးကမြန်မာဒုက္ခသည်တွေကိုတောင်၊ဘယ်လိုနေရာထိုင်ခင်းပေးပြီးစောင့်ရှောက်မလဲဆိုတာတောင် အိန္ဒိယကအဆင်သင့်မဖြစ်ခဲ့ပါဖူး။ကျနော်တို့ကလည်းအမှောင်ထဲကနေရုတ်တရက်လင်းနေတဲ့ကမ္ဘာကြီးအပြင်ရောက်လာတာပါ ။မြင်သမျှအရာရာထူးထူးဆန်းဆန်းတွေ။ဗဟုသုတလည်းမရှိ၊ကိုယ့်ကိုကိုယ်လည်းအရေးတော်ပုံအရှိန်တွေတက်ပြီးမြောက်ကြွမြောက်ကြွပေါ့ ။ပြောရအုံးမယ်၊မိုးရေးမြို့ထဲဝင်လာတော့မြို့လေးကသေးလေးပါ။နယ်စပ်ကုန်သွယ်ရေးမြို့လေးဆိုတော့ဆိုင်ခန်းတွေ၊ဂိုဒေါင်တွေများတယ်။ သွပ်မိုး၊ပျဉ်ကာ၊ထရံကာနဲ့ထည်ထည်ဝါ၀ါလည်းမရှိပါဖူး။ထိုင်းနယ်စပ်မြို့တွေနဲ့အရမ်းကွာတယ်လို့ပြောရမယ်။မိုးရေးမြို့ခံတွေဆိုတာ၊ အိန္ဒိယတောင်ပိုင်းမဒရပ်စ်၊တမီးလ်နာဒူးပြည်နယ်သားအများစုဖြစ်တယ်။မြန်မာပြည်မှာတော့ချစ်တီးထမင်းဆိုင်၊ဒံပေါက်၊တိုရှည်(ဒိုဆာ)စတဲ့ အိန္ဒိယစားသောက်ကောင်းတွေကိုမြန်မာ့လျှာနဲ့လိုက်ဖက်ညီရောင်းချနိုင်စွမ်းရှိသူတွေပေါ့။မိုးရေးမြို့မှာစီးပွားရှာပြီးသူတို့လူမျိုးနွယ်တွေရှိတဲ့ အိန္ဒိယတောင်ပိုင်းမြို့တွေမှာအိုးအိမ်အတည်တကျနဲ့နေထိုင်ကြတယ်။တမီးလ်လူမျိုးတွေသာမကတမူး၊ ကဘော်ချိုင့်ဝှမ်းမှာအခြေချနေထိုင်တဲ့ကူကီး(သူတို့ကိုချင်းလို့ခေါ်ရင်သိတ်မကြိုက်ဖူး)နာဂ၊လုရှိုင်း၊ ကသဲအစရှိတဲ့လူမျိုးပေါင်းစုံနေကြတာ။ကျနော်တို့ရောက်ခါစကနာဂနဲ့ကူကီးတွေနယ်လုတိုက်ခိုက်မှုတွေဖြစ်ကြတယ်။ လူတော်တော်သေတယ်။မိုးရေးမှာနာဂကလူနည်းစုဆိုတော့အကုန်ပြေးရတယ် ။နောက်ပိုင်းနှစ်အတော်ကြာထိနာဂနဲ့ကူကီးပဋိပက္ခဖြစ်နေတုံးပဲ။အလားတူကသဲနဲ့ကူကီးလည်းမကြာခနတိုက်ပွဲဖြစ်တယ်။ နယ်ခြားကုန်သွယ်ရေးစခန်းဆိုတော့၊စီးပွားရေးနဲ့နယ်ခြားလွတ်မြောက်နယ်မြေအတွက်..စားကျက်လုတဲ့တိုက်ပွဲတွေကဒီနေ့အထိမဆုံးသေးဖူး။ မငြိမ်းချမ်းဖူး။ကျနော်တို့မိုရေးရောက်တော့လမ်းဘေးဆိုင်ခမ်းတွေ၊ အိမ်နံရံနဲ့အုတ်ခုံတွေမကျန်နေရာအနှံ့မှာကွန်ဂရက်အိုင်ပါတီ(ရာဂျစ်ဂန္ဒီပါတီ)လက်ဝါးတဆိပ်နဲ့ရွေးကောက်ပွဲမဲဆွယ်ကြော်ငြာတွေအများကြီးတွေ့ရတယ်။ လက်ဝါးသင်္ကေတဆိုတော့“ဒီမြို့မှာလက္ခဏာ၊ဗေဒင်ဟောတဲ့လူတွေများလှချေလား”လို့တယောက်ကတကယ်မသိတာလား၊ ရွှတ်နောက်နောက်ပြောတာလားမသိ။ လက်ဝါးတံဆိပ်ရော၊လှည်းဘီးရော၊လက်လှည့်ယက်က္ကန်းခုံတံဆိပ်ရော..စုံနေတာပဲ။ အိန္ဒိယမှာရာသီဥတုကောင်းတဲ့အောက်တိုဘာလဆိုရွေးကောက်ပွဲလုပ်နေကျဆိုတာတွေ၊ နိုင်ငံရေးပါတီတွေလွတ်လွတ်လပ်လပ်မဲဆွယ်တယ်၊စည်းရုံးတယ်ဆိုတာအဲဒီအခါမှမျက်စေ့နဲ့တပ်အပ်မြင်ဖူးတာပါ။ (ကျနော်တို့ပြည်ပရောက်တော်တော်များများအသက်..လေးငါးဆယ်ကျော်နေပြီ..ခုထိမဲမပေးဘူးကြဖူး)။ ဒီမိုကရေစီနိုင်ငံကြီးကိုရောက်ပြီဆိုတော့..ကျနော်တို့တတွေလွတ်လပ်ပြီ၊ငြိမ်းချမ်းပြီ၊ကိုယ့်နိုင်ငံကိစ္စအောင်အောင်မြင်မြင်လုပ်နိုင်မယ်လို့မျော်လင့်ခဲ့ကြတယ်။ ကျနော်တို့ရောက်ပြီးရက်ပိုင်းအကြာမှပဲရန်ကုန်မှာဒေါ်အောင်ဆန်းစုကြည်၊ဦးတင်ဦးနဲ့၊ဦးအောင်ကြီးတို့ပေါင်းပြီးNLDပါတီဖွဲ့တဲ့သတင်းကြားရပါတယ်။ ကျနော်တို့ကတော့စစ်အစိုးရလက်အောက်ကရွေးကောက်ပွဲဟာတရားမျှတမှာမဟုတ်ဖူးလို့ပဲယုံကြည်နေခဲ့တယ်။ ကျနော်တို့အားလုံးတက်နေ၀န်းကလပ်မှာသုံး၊လေးရက်နေပြီးတော့လုံခြုံရေးအရမိုးရေးရဲစခန်းဝင်းထဲပြောင်းရွှေ့ရပါတယ်။ ရဲစခန်းဘားတိုက်ခန်းမထဲမှာကျနော်တို့အားလုံး၄၀၀န်းကျင်လောက်ရှိမယ်ထင်တယ်။ရဲစခန်းကပဲထမင်းကြွေးတယ်၊ လဘက်ရေတိုက်တယ်။ကျနော်တို့ကလည်းစားလိုက်၊အိပ်လိုက်မနေကြဖူး။မနက်စောစောထ၊အစုလေးတွေခွဲပြီးရဲစခန်းဝင်းထဲမှာပဲ၊ ကိုယ်လက်လေ့ကျင့်ခန်းတွေတန်းစီလုပ်တယ်။မနက်ဆို နိုင်ငံတော်သီချင်းနဲ့ကျောင်းသားသမဂ္ဂသီချင်းတွေဆိုရင်းလက်နက်မဲ့စစ်ရေးလေ့ကျင့်ခန်းတွေလုပ်ကြတယ်။ တလှေထဲစီးလာတဲ့ရန်ကုန်စက်မှုတက္ကသိုလ်ကကိုညီညီလွင်(ယခ္ခုသြစတေးလျှား)ကတက္ကသိုလ်အရံတပ်ရင်းမှာလေ့ကျင့်သင်ကြားဖူးတော့သူကပဲဦးဆောင်ပြီး ကာယလေ့ကျင့်ခန်းနဲ့အခြေခံစစ်ရေးပြသင်တန်းကိုပေးတယ်။ရဲစခန်းဝန်းလေးထဲမှာနေ့စဉ်မနက်တခါ၊ညနေတခါတန်းစီဘယ်ညာလျှောက်ပြီး. .ဘာလုပ်နေလဲ..လေ့ကျင့်နေတယ်၊ဘာလုပ်ဖို့လည်း…တိုက်ပွဲဝင်ဖို့၊ ဘာစိတ်ဓာတ်လဲ..ခွတ်ဒေါင်းစိတ်ဓာတ်၊ဘယ်သူ့အတွက်လဲ..ပြည်သူ့အတွက်..ဘာလိုချင်လဲ..ဒီမိုကရေစီ..”ဆိုပြီး ပါးစပ်ကလည်းအော်၊ပြေးလဲပြေး..နဲ့ရဲစခန်းဝင်းနဲ့အနီးတ၀ိုက်ကျနော်တို့အသံတွေဟိန်းနေတယ်။ သိတ်မကြာဖူး၊တယောက်စကားတယောက်နားနဲ့. .“ကျောင်းသားတွေကိုစစ်သင်တန်းပေးနေပြီ..”ဆိုတဲ့ကောလဟလတွေနဲ့..(ကျနော်တို့ကျန်းမာရေးလေ့ကျင့်ချိန်ဆို)တမူးနဲ့၊ နမ့်ဖာလုံဘက်ကမြန်မာပြည်သူတွေပွဲကြီးတခုလိုရဲစခန်းပတ်ပတ်လည်လာငေးကြည့်ကြတယ်။ ကျနော်တို့ကလည်းတက်ကြွပြီး၊မျက်နှာထားတည်တည်တွေနဲ့အခုပဲစစ်မြေပြင်ထွက်ပြီးရန်သူကိုအပြတ်ချေမှုန်းတော့မဲ့ပုံစံတွေနဲ့ပေါ့။ တချို့တွေကကျနော်တို့ကိုစားစရာတွေ၊သစ်သီးတွေလာပေးကြတယ်။နယ်စပ်ကပြည်သူတွေခမျာလည်း ကျနော်တို့ကိုမြန်မာပြည်ရဲ့ဒုတိယမြောက်လွတ်လပ်ရေးကိုတိုက်ယူပေးမဲ့လူငယ်တွေလို့ယုံကြည်ထားပုံရတယ်။ ကျနော်တို့ကိုယ်တိုင်လည်းအဲလိုထင်နေခဲ့တယ်။အဲဒီတုံးကကျနော့်ဆရာဦးရွှေထူးကိုမေးဘူးတယ်.. “ဆရာ..ကျနော်တို့တော်လှန်ရေး.ဘယ်လောက်ကြာမယ်ထင်လဲ”..“မောင်ညိုရာ..အလွန်ဆုံး၂နှစ်ပေါ့..၊၊ပြည်သူတရပ်လုံးကဒို့ဘက်ပါနေတာပဲကွာ.၊ တချိန်ကဗမာပြည်ကွန်မြူနစ်ပါတီတို့၊ဦးနုရဲ့ပြည်ချစ်တော်လှန်ရေးတို့ဆိုတာ. .အခုလိုပြည်သူတွေလှည်းနေလှေအောင်းမြင်းစောင်းမကျန်ပါဝင်တာမဟုတ်ဖူးကွ၊ဒါဟာငါတို့ရဲ့ပွဲသိမ်းတိုက်ပွဲပါ”လို့ပြန်ဖြေခဲ့တာမှတ်မိနေပါသေးတယ်။ အဲဒီတုံးကကျနော်တို့အားလုံးအဲဒီလိုပဲတထစ်ချယုံကြည်ခဲ့တာပါ။ရဲစခန်းမှာကျနော်တို့ခိုလှုံနေတုံးတမူးနဲ့ကလေးနယ်ကလူငယ်တွေကျနော်တို့ဆီလာပူးပေါင်းကြတယ်။ ကလေးမြို့က“မအိ”ဆိုတဲ့အမျိုးသမီးတယောက်လည်းပါတယ်။ ဒါကြောင့်ကျနော်တို့ထဲမှာအမျိုးသမီး၂ယောက်ဖြစ်သွားတယ်။သူတို့၂ယောက်ကံကြမ္မာကလည်းအတော်ဆန်းကျယ်လွန်းတယ်။ ၀တ္တုဆန်ဆန်၊ရုပ်ရှင်ဆန်ဆန်တွေမို့လို့ပါ။အပြင်ကတကယ့်အဖြစ်အပျက်ဆိုတခါတခါရုပ်ရှင်တွေ၊၀တ္တုဇာတ်လမ်းတွေထက်.. ပိုပြီးရှုတ်ထွေး၊ထွေပြား၊ဆန်းကျယ်တယ်ဆိုတာကျနော်လည်း..တော်လှန်ရေးလောကထဲရောက်မှပဲယုံရတော့တယ်။ ဒီအကြောင်းတွေကိုနောက်ပိုင်းကျပြောပါအုံးမယ်။တနေ့ကျနော်တို့ဆီ၊ မဏိပူရဲ့ပြည်နယ်ဝန်ကြီးကိုယ်တိုင်ရဟတ်ယာဉ်နဲ့လုံခြုံရေးလက်နက်ကိုင်တပ်တွေနဲ့အတူရောက်လာတယ်။ ကျနော်တို့ကိုကြိုဆိုကြောင်းနဲ့အားပေးစကားတွေလာပြောတာပါ။သူ့အမှာစကားတွေကလည်းကျနော်တို့စိတ်ဓာတ်ကိုမြှင့်တင်ပေးတယ်။ သူပြောတဲ့ထဲမှာ..မဏိပူရနဲ့မြန်မာဟာရုပ်ရည်တူတဲ့မွန်ဂိုလွိုက်မျိုးနွယ်ညီအကိုတွေဖြစ်တဲ့အကြောင်း၊ အိန္ဒိယအမျိုးသားတပ်မတော်INAခေါင်းဆောင်ဆူဘတ်ချန်ဒရာဘို့စ်ဟာမြန်မာလွတ်လပ်ရေးခေါင်းဆောင် ဗိုလ်ချုပ်အောင်ဆန်းနဲ့ရင်းနှီးသူဖြစ်ပြီးမြန်မာပြည်သူတွေအကူအညီနဲ့ INAဟာဗြိတိလျှနယ်ချဲ့ကိုတိုက်ထုတ်နိုင်တာဖြစ်ကြောင်း၊မြန်မာတွေကျေးဇူးရှိတဲ့အကြောင်း၊ဗြိတိလျှကလွတ်လပ်ပေးတော့မဏိပူရကိုမြန်မာနဲ့ပေါင်းမလား? အိန္ဒိယနဲ့ပေါင်းမလားလို့မေးခွန်းထုတ်ဖူးကြောင်း၊နောက်ဆုံးမိမိတို့ဟာအိန္ဒိယနဲ့အတူနေဖို့ဆုံးဖြတ်ခဲ့တဲ့အကြောင်း၊ မဏိပူပြည်သူတွေဟာမြန်မာတွေကိုချစ်ခင်ပြီးဒီမိုကရေစီရေးအတွက်အားပေးထောက်ခံတဲ့အကြောင်းဝေေ၀ဆာဆာပြောသွားပါတယ်။ သူ့စကားထဲမှာအိန္ဒိယလွတ်မြောက်ရေးစစ်တပ်ကိုထူထောင်ခဲ့တဲ့ဆူဘတ်ချန်ဒရာဘို့စ်တို့၊မြန်မာတွေကျေးဇူးတို့. ဆိုတာကျနော်တို့သဲခြေကြိုက်တွေပေါ့။တနေ့စစ်သင်တန်းအမှန်တကယ်ရမယ်လို့ပဲမျော်လင့်နေတာ..။သိတ်မကြာဖူး၊ ရဲစခန်းကနေကျနော်တို့အားလုံးမဏိပူရပြည်နယ်(ချန်ဒယ်ခရိုင်)အတွင်းဘက်ကိုရွှေ့ပြောင်းရတော့မယ်ဆိုတဲ့သတင်းထွက်လာတယ်။ ကျနော်တို့စိတ်ဓာတ်တွေတက်ကြွနေတယ်။ဒီတခါတော့ငါတို့ကိုစစ်သင်တန်းတွေပေးဖို့နေရာပြောင်းမယ်ထင်တယ်လို့ ကိုယ့်ဖာသာကိုယ်တွက်ချက်စိတ်ကူးတွေယဉ်ပြီးပျော်နေကြတယ်။ နှင်းမြူတွေကျနေတဲ့ညနေခင်းတရက်မှာစစ်ထရပ်ကား၂စီးနဲ့မဏိပူရလက်နက်ကိုင်စစ်သားတချိုံမိုးရေးရဲစခန်းကိုရောက်လာပြီး ကျနော်တို့ကိုရွှေ့ပြောင်းဖို့ပြင်ဆင်ပါတယ်။မိုးရေးမြို့ခံတွေကစားစရာတွေ၊လိုအပ်တဲ့အသုံးအဆောင်လေးတွေလာပေးကြ၊ ကုန်သည်ကြီးများအသင်းကစောင်တွေအထပ်လိုက်လာလှူပါတယ်။ ဗမာပြည်ဘက်ကပြည်သူတွေကလည်းလမ်းဘေးဝဲယာကနေငေးကြည့်ရင်းလာနှုတ်ဆက်ကြတယ်။ ကျနော်တို့ကလည်းကျောင်းသားတပ်ဦးသီချင်းတွေ၊သမဂ္ဂသီချင်းတွေမာန်ပါပါဆိုကြတယ်။ စိတ်ထဲမှာရှေ့တမ်းစစ်မျက်နှာထွက်ရတော့မလိုလိုပေါ့။အရမ်းတက်ကြွနေတယ်။ ။မြင်မြင်သမျှအရာတွေအားလုံးလှပနေတယ်။အရူးအမူးချစ်ရတဲ့ရီးစားဦးဆီကချစ်ပါတယ်ဆိုတဲ့အဖြေစကားလေးရလိုက်သလိုခံစားမှုမျိုး။ ခန္ဓာကိုယ်ကြီးလေထဲဝဲနေသလိုပဲ….မြောက်ကြွမြောက်ကြွနဲ့ရွှင်လန်းနေတယ်။လမ်းဘေးဝဲယာကပြည်သူတွေကိုလက်တွေဝှေ့ရမ်းပြလို့ကိုမဆုံးဘူး။ “နောင်ရိုး..တိုက်ပွဲသမိုင်းကြောင်းတို့ရှိခဲ့သည်..ငါတို့ဗမာတွေသည်..စံနမူနာတင်ထွန်းလင်းတောက်ပခဲ့သည်..ကမ္ဘာမှာမော်ကွန်းတင်ခဲ့ပြီ..” ဆိုတဲ့ကျောင်းသားတပ်ဦးသီချင်းကိုလည်ချောင်းကြော၊နားထင်ကြောတွေထောင်နေအောင်၊မာန်တွေဌာန်တွေနဲ့ဟစ်အော်သီဆိုကြတယ်။ တကယ်တော့ကျနော်တို့သွားရမဲ့နေရာဟာ..အားလုံးမျော်လင့်ထားသလိုစစ်ရေးလေ့ကျင့်ပေးမဲ့စခန်းသစ်တခုဆီမဟုတ်ဘဲ.. ကျနော်တို့ဘ၀တွေကိုဘောင်ခတ်ပြီးအကျယ်ချုပ်ထားမဲ့ကျဉ်းကျဉ်းကြပ်ကြပ်ဒုက္ခသည်စခန်းတခုဆိုတာ..ယောင်လို့တောင်စိတ်မကူးခဲ့သလို၊ အဲဒီဒုက္ခသည်စခန်းကြီးကပဲကျနော်တို့ကိုဘယ်လိုလောကဓံကြီးပဲလာလာလုံးဝမမှု၊ စိန်ခေါ်သွားမယ်ဆိုတဲ့လူစွမ်း၊လူစတွေပါမွေးထုတ်ပေးခဲ့တယ်ဆိုတာ..ကြိုမမြင်ခဲ့ပါဖူး။ တကယ်တော့၊လူ့ဘ၀ဆိုတာ..ထင်တာတွေမဖြစ်တတ်သလို၊မထင်တာတွေဖြစ်တတ်တာကိုး…။ ကိုညို။